Resumen:
Awajún. PNPI juní ati timau takasa umíkmauk, jutí wegantu atsumamun nuwigtu wekegamun yajumui, documentonum umíkmau juju aina nuwiyan “Agenda Multisectorial para el desarrollo Integral de los Pueblos Indígenas u Originarias” (Cultura 2019), “Plan de Acción Indígena para la Defensa de la Amazonía”, Pueblos nuwigtu Clima de la Humanidad” (AIDESEP - 2018), antsag jutí wegantu organizacionji aidaujai octubre 2019 tin nagkamsa marzo 2020 tin ijunja nuwigtu tallernum takasa umíkmau aina nuwiyash yajuakmauwai.
Junak dutikawai ashi aents ainaush atus ati tusa iwainaja chicham apamunum pachinkatnume tusa, nunui Ministerio de Cultura PNPI juní ati timau umíkmaun documenton sukagtuse dutikak aenst anentai apugmaun yajuak iwajatatus. Juju takat emamunmak dutiknae ijunmau, foros nuwigtu taller aents nuwigtu juti wegantu organizacionji ainau juna pachis chichamjin ainaun ipawag dutikak juní ati timau umíkmaun ijuntug shiig díis iwajun umíktagtatus.
Ashí iwainaja iniimau nagkankamtai nuwigtu decreto supremojai eke nagkaematsaig, juju PNPI juní ati timau umikmau pachisa jutí wegantu batsata nunui consulta previa dutiknattawai, junak dutikainawai Convenio 169 OITnu nuwigtu Ley N° 29785, jutí wegantu tuke batsamin ainau ayamamke Consulta previa leyji tamaujin umínak. Juka Peru nugke ashi tepakaja nunui nuwigtu jutí wegantu organizacionji ainau pachiinkamunum dutikawagtatui.
Juju PNPI tawa duka aents 5.9 millankan inagkaegas juti wegantu tuke batsamin aina nuna ayamke ajantsa umíamu ati tusa chichamjawai.