Abstract:
Ashaninka. Oka meka antakotantsika ashi PNPI iro sankenatakoyetirori koityeimotantsipe anta nampitsipeki kemejeiteri arori osankinatakotero ara jitakotachari “Agenda Multisectorial para el Desarrollo Integral de los Pueblos Indígenas u originarios” (Cultura- 2019), irokia meka (AIDESEP-2018) osankinatake onkoiri omonkarempa ojitakero “Plan de Acción Indígena para la Defensa de la Amazonía, los Pueblos y el Clima de la Humanidad” aisati oñanatakotakero sankinarentsi ontimantanakari apatotantsi iñabakajeitantakari maroni nampitsipe kemejeiteri arori aisati sarakamashisati aranki osarentsiki 2019 kashiri okitobireki otsonkanaka apatotantsi osarentsiki 2020 marisoki.
Irotakekia meka ora Ministerio de Cultura obetsikakantantakari oka antakotantsika irashitjeityari maroni nampitsipe kemejeiteri arori jitakotainchari PNPI onkobake maroni atiripe ijoke inkobakotiri onkonijakote oñanatakotantajeiteri ara sankeranetsiki. Yakakojeitantyarori ari ontimake apatotantsi, joros aisati talleres ari ontsipajeitakeari kobirori iyote impoiji ora jebabenteri arojei inkantetiri Organizaciones indígenas inkantantajeityari kametsatakerikampa o terika onkametsate oka sankenatakotantsika.
Aririka otsonkanakea sampitakobentantsi aisati tekerara yakakotero oshitobakotantyari ara jitachari decreto supremo, ariña isampijeitakeri maroni nampitsipe kemejeiteri arori aisati sarakamashisati ontime yaminabakero akakotakerorika onkantiri Convenio 169 de la OIT jero aisati onkantiri ora Ley N° 29785, irotake sampitakobentantatsiri Ley del derecho a la consulta previa a los pueblos indígenas u originarios ompoñantyari osankinatakotya ara PNPI. Ariña ikarajeitakeri jebabenteri arojei inkantetiri organizaciones indígenas aisati ari añajeitakero marojeiteni saikajeitatsiri nashionariki.
Ora meka PNPI onkobi katsini oñanakobentero itikakobentajeitantyari 5,9 miyoneshi atiripe poñajeitachari nampitsipe kemejeiteri arori.